ფინეთის ქალაქ ვეექსიში (Vääksy) სტარტაპ Polar Night Energy-ის მეორე „ქვიშის ბატარეას“ აშენებენ. 2 მეგავატი სიმძლავრისა და 250 მგვტ·სთ ტევადობის ობიექტი 2027 წლის გაზაფხულზე უნდა ამოქმედდეს და ცენტრალიზებულ გათბობას მოემსახურება.
Copenhagen Infrastructure Partners შოტლანდიაში ბატარეებზე დაფუძნებული ენერგიის შენახვის ახალ პროექტში (BESS) 270 მილიონ ევროს აინვესტირებს.
კომპანია Scatec-მა ეგვიპტეში 900 მეგავატი სიმძლავრის ქარის პროექტის „Shadwan“-ის მშენებლობა დაიწყო. ამის შესახებ megaproject.com იტყობინება.
დანიამ გერმანიისკენ მიმავალი წყალბადის მილსადენის დაფინანსების გასაზრდელად 850 მილიონი დოლარი დაამტკიცა. ამის შესახებ megaproject.com იტყობინება.
დიდ ბრიტანეთში, ატომურ ელექტროსადგურ Hinkley Point C-ზე, ბრისტოლის სრუტის ქვეშ 620-მეტრიანი გვირაბი გაიყვანეს. გვირაბი თევზის დაბრუნების სისტემის ნაწილია.
სამხრეთ კორეული Iljin Electric ბრიტანეთში ზღვის ქარის ელექტროსადგურების ქსელის გაფართოების პროექტისთვის ზემაღალი ძაბვის მიწისქვეშა გადამცემ ხაზს მოაწოდებს. კონტრაქტი დაახლოებით 104 მილიონი გირვანქა სტერლინგი (187,1 მილიარდი ვონა) ღირს.
სახელმწიფო კომპანია Polskie Elektrownie Jądrowe-მ პოლონეთის პირველი ატომური ელექტროსადგურის EPC კონტრაქტი Bechtel-სა და Westinghouse-ის კონსორციუმს მიანიჭა. სადგური ელექტროენერგიის გამომუშავებას 2036 წელს დაიწყებს.
GuruFocus-ის ინფორმაციით, Fluor-მა (FLR) JGC Corporation-თან ერთობლივი საწარმოს ფარგლებში LNG Canada-ს მეორე ფაზის კონტრაქტი მიიღო.
Qair-მა ჩადში ჰიბრიდული მზის პროექტების განსახორციელებლად 37,9 მილიონი ევროს დაფინანსება უზრუნველყო.
Recharge News-ის ინფორმაციით, SSE Renewables-მა გამოაცხადა, რომ ზღვის ქარის მასშტაბური პროექტის, Berwick Bank-ის, ოპერაციული ბაზა შოტლანდიის Montrose-ის პორტში განთავსდება.
კომპანია NCC-მ Svenska kraftnät-თან ხელშეკრულება გააფორმა Horred-Breared-ის პროექტის ფარგლებში 70 კმ სიგრძის 400 კვ ძაბვის საჰაერო ელექტროგადამცემი ხაზის მშენებლობაზე. გარიგების ღირებულება დაახლოებით 1 მილიარდი შვედური კრონაა (100 მილიონი დოლარი).
